hindi poem

Meri jindgi ka hashr bahut bura hua,

Kisse to kai shuru hue,ek bhi pura na hua,

Mausam to aye kai bahaar ke,phool gulshan mein bhi khil gaya,

Jis gul se ati thi khushbuen wahi gul tha mujhse rutha hua,

Meri...................................,

Suraj se ati thi roshni,chand se hasti thi chandni,

Hawaon ki na thi kami,badalon mein bhi thi namin,

Din the sare wahi, thi raten bhi sari wahi,

Koi bhi inmein se mujh par meharwan na hua,

Meri..................................,

Baten is jahan ki rahin is jahan mein,

Taron ki mahfilen rahin asman mein,

Nadiyan thi kai, kai jharne the bahe hue,

Jamin par bhi the karoron ghar bane hue,

Pedon ki chanv thi,thi shabnam ki boond bhi,

Moti seep ke samandar mein the rame hue,

Paa sakun inmein se bhi koi.mera aisa nasiban na hua,

Meri...............................................,

Palkon pe the ansu bahut hothon pe aah thi,

Badan tha chalni chalni mera,ghav the sabhi riste hue,

Chehre par thi viraniyan,ankhon mein pyas thi,

Har sans kamjor thi,khwab the sabhi bikhre hue,

Har mod vahin mud gaya jahan se tha shuru hua,

Meri jindgi ka hashra bahut bura hua,

Kisse to kai shuru hue ek bhi pura na hua.