وصفك

وصفك ------

محمود ملحم

من نبع شعري جرين بحور الشعر ومن خاطري كان ميلاد النثر

انا من ارض جنين العز وله اسم واقولها للناس فلسطيني وافتخر

وطيب القلب غايب عن عيوني وحنين له يسري في بالمسا والفجر

سرحت في طيوفه متل طير في السما واتعبني طول الليالي والفكر

الناس مراتب واشكال واصناف وانت مميز صنفك مالك سعر

احتليت الفؤاد وفيه بسطت نفوذك وغلاك ما يعادله الماس ولا تبر

ما ادري شلون قلبي تجرع لوعتك واحسه بغرامك متل بركان ينفجر

وعيوني دوم تشتاق لشوفتك وامتلاك روحك صار علي مثل النذر

والفرحه تغمر عروقي يوم اسمعك والدمع على الخد متل نزول القطر

واسهر الليل وخيالك يزورني بوحدتي وشلون انام الليل والروح فيك تنتظر

ترى الايام والغربه على قلبي قست والزمان طعني في الحشا طعنه غدر

سبحان اللي خلق ذيك العيون الساحره في حسنها وزينها متل عيون النمر

سبحان اللي خلق ذيك العيون الساحره وزين الرموش متل جنحان الصقر

ويوم يبتسم ثغرك يبان متل الثريا والخال على خدك مثل السما مزينه بالبدر

يا ضنا عمري انت الغلا وانت مهجه القلب وبدونك احسن العالم يندثر

ولو اعطيك كل الاوصاف ما اوفيك  ترى وفائي ليك موشوم بالصدر

انت في حسن طولك واخلاقك ملاك واسمك انزرع فيه الورد والزهر

ويوم اسير في دربي بدونك وحيد احسن كاني بروحي اسير القبر

وتمنيت اسير وياك تحت السما وامسك بيدك والمطر علينا ينهمر

انت بذاك الوصف تعديت الاوصاف وسحر جمالك غلب على كل السحر

حبك مميز وله في القلب ايقاع لذيذ وعفيف ويحرق متل الجمر

وانا اخاف اذا تعديت حدودي بالعشق واذا اخطيت بحقك ترى منك اعتذر

وادعي الهي بصلاه الليل يحفظك ويحميك وعلى فراقك يلهمني الصبر